Иргэдийн төлөөлөгчдийн хурлын нэгдсэн цахим хуудас
ИТХ-ын нэгдсэн хуудас
Нутгийн өөрөө удирдах байгууллага нь аймаг, нийслэл, сум, дүүрэгт тухайн нутаг дэвсгэрийн иргэдийн Төлөөлөгчдийн Хурал, баг, хороонд иргэдийн Нийтийн Хурал байна. Монгол Улсын Үндсэн хуулийн Тавин есдүгээр зүйлийн 2 дахь хэсэг МУТББ төслөөс санаачлан бүтээв.2026-10-30
Монгол Улсын нэгдсэн төсвийн тодотгол батлагдсан холбоотойгоор Орхон аймгийн 2026 оны төсвийг тодотголыг аймгийн ИТХ-д аймгийн Засаг дарга өргөн барьсан. Өнөөдөр аймгийн ИТХ-ын ээлжит бус 12 дугаар хуралдаанаар 2026 оны төсвийн тодотголыг хэлэлцэн баталлаа. Тодотголд төсвийн шууд захирагчдын төсөвт нийт 421.8 сая төгрөгийн нэмэлт санхүүжилтийг тусгаж, төрийн үйлчилгээний албан хаагчдын цалин болон Хойд бүсийн хавдрын төвийн ажилтан, албан хаагчийн орон нутагт ажилласны нэмэгдлийг санхүүжүүлэхээр баталлаа. Энэ нь эрүүл мэндийн болон төрийн үйлчилгээний байгууллагуудын хүний нөөцийн тогтвортой байдлыг хангах, ажилтан, албан хаагчдын хөдөлмөрийн нөхцөл, нийгмийн баталгааг хангахад чиглэсэн арга хэмжээ юм. Сумдын Орон нутгийн хөгжлийн сангийн хуваарилалтыг 2.6 тэрбум төгрөгөөр нэмэгдүүлж, Баян-Өндөр сумын Орон нутгийн хөгжлийн санд 1.6 тэрбум, Жаргалант сумын Орон нутгийн хөгжлийн санд нэг тэрбум төгрөгийн нэмэлт төсвийг тус тус хуваариллаа. Мөн хаврын улиралд махны нийлүүлэлтийн тогтвортой байдлыг дэмжих, үнийн хэт өсөлтөөс урьдчилан сэргийлэх зорилгоор нөөцийн мах бэлтгэх арга хэмжээг хэрэгжүүлэхээр төлөвлөж, Эрдэнэт сангийн чөлөөт үлдэгдлээс 2,8 тэрбум, газрын дуудлага худалдааны 1.2 тэрбум төгрөгийн орлогыг төвлөрүүлэн нийт дөрвөн тэрбум төгрөгөөр хэрэгжүүлэхээр баталж байна. Төсвийн тодотголын хүрээнд орон нутагт хэрэгжиж буй хөрөнгө оруулалт, бүтээн байгуулалтын ажлын явц, санхүүжилтийн хэрэгцээ болон гүйцэтгэлийн нөхцөлд үнэлэлт дүгнэлт хийж, зайлшгүй шаардлагатай нэмэлт зардлуудыг тусгасан. Тодруулбал, батлагдсан зураг, төсөвт тусгагдаагүй боловч барилга угсралт, бүтээн байгуулалтын ажлын явцад зайлшгүй гүйцэтгэх шаардлага үүссэн нэмэлт ажлуудын санхүүжилтийг холбогдох тооцоо, үндэслэлд тулгуурлан хөрөнгө оруулалт, бүтээн байгуулалтын 23 ажилд 9 тэрбум төгрөгийг нэмэлт санхүүжилтээр баталлаа. Мөн Авто замын 1 ажил, спорт заал барих 3 ажил, төрийн үйлчилгээний нэгдсэн төв барих 1 ажил нийт 5 ажлын санхүүжилтийг гүйцэтгэлд үндэслэн олгохоор 9.5 тэрбум төгрөгөөр баталж байна.
Дэлгэрэнгүй
2023-04-21 12:00:00
2023-04-18 12:00:00
2023-04-14 12:00:00
2023-04-11 12:00:00
2022-11-15 12:00:00
2022-11-15 12:00:00
2022-01-19 12:00:00
2022-01-11 12:00:00
2021-12-13 12:00:00
2021-06-30 12:00:00
2020-12-16 07:41:14
-thumb4x3.jpg)
